"মাননীয় মুখ্যমন্ত্ৰী মহোদয় অসমৰ ৰাইজে দিয়া
জাতীয় নায়কৰ সন্মান ঘুৰাই দিয়ক"
—ধ্ৰুৱজ্যোতি কলিতা (Dhruvajyoti Kalita)
এখন চিকিত্সালয় স্থাপনৰ দাৱী কৰা বাবে যদি আমি মৃত্যু বৰণ কৰিৱ লাগে । তাকো দুমহীয়া পানীকেচুৱা চৰকাৰ এখনৰ হাতত । ইয়াতকৈ জাতিটোৰ বাবে আৰু পৰিবৰ্তনৰ ডাঙৰ পুৰস্কাৰ কি হৱ পাৰে ।
শৰাইঘাট দ'লখন লুইতৰ ওপৰত বিচাৰি ছহিদ হৈছিল । অসমীয়া ভাষাক অসমত প্ৰতিষ্ঠা কৰিৱলৈ ছহিদ হৈছিল । খাদ্য বিচাৰি অসমীয়া ছহিদ হৈছিল । শোধানাগাৰ স্থানান্তৰ কৰিৱ নিদি নিৰ্যাতিত হৈছিল । বিদেশী খেদিম বুলি ছহিদ হৈছিল । বিদেশী বুলি হাজাৰোধিক মৰিছে । চিকিত্সালয় বিচাৰি ছহিদ হ'ল । দুই এদিনত তেলৰ বাবে যে নমৰিৱ তাৰ কি মানে আছে ।
অসমীয়া জাতিটোৰ ওপৰত এদিন আপোনালোকে গুপ্তহত্যা চলাই জাতিটোকে পংগু কৰি থৈছে । তাৰপিছতো প্ৰতিবাদী জনতাই কন্ঠ ৰুদ্ধ কৰি পৰিবৰ্তন(?) আহিৱ বুলি হিমন্ত বিশ্বৰ নিচিনা বাঘা বাঘা দুৰ্নীতি পৰায়ণ কংগ্ৰেছ কৰ্মীক আপোনালোকে সাৰথি কৰাৰ পিছতো অসমীয়াই আপোনাক চৰকাৰ গঠন কৰিৱলৈ সুবিধা কৰি দিছিল । মুখ্যমন্ত্ৰী মহোদয় হিমন্তৰ লগলাগি আপুনি খলনায়কত পৰিনত হ'ল । এতিয়া সকলো অসমীয়া মাৰি শেষ কৰি বানপানীত ডুবি থকা বোকাময় অসমত পদুম ফুলাৱলৈ আৰু বৃথা চেষ্টা নকৰিৱ । কাৰন জাতীয় নায়কৰ হাতত জীয়াই নেথাকিৱ বৰ্তমান ভাৰতীয় সংসদীয় ৰাজনীতিৰ গিনিপিক অসম তথা অসমীয়া ।
মহাশয় মৃতকৰ পৰিয়ালক পাঁচ লাখ টকা দিলে মৃত ব্যক্তি ঘুৰি নাহে । ইমান ডাঙৰ সমীকৰণ সমাধান নহয় । কাৰণ আদিম যুগতহে সমাজ বিনিময় প্ৰথাৰ মাধ্যমত চলিছিল । এতিয়া আৰু জীৱনৰ বিনিময়ত টকা নহয় । কাৰণ টকা ৰিজাৰ্ভ বেংকে তৈয়াৰ কৰে লৰা-ছোৱালী আই-পিতাই জনম দিয়ে । নোট এখন নষ্ট হ'লে পুনৰ একে নম্বৰৰে জন্ম দিৱ পাৰি । মানুহ এজন মাৰিলে পুনৰ তেওঁক জন্ম দিৱ নোৱাৰি ।
যদি সততা আছিল হিমন্তক ভয় নকৰাকৈ একেষাৰে ৰহাতে চিকিত্সালয়খন স্থাপন হৱ বুলি অসমৰ মুখ্যমন্ত্ৰী হিচাপে ঘোষনা নকৰিলে কিয় ? কাক আৰু কিহৰ ভয়ত জনতাক সান্তনা দিয়া নীতি ল'লে ?? আপুনি অসমৰ মুখ্যমন্ত্ৰী নহয় নেকি ???
নিৰ্বাচনৰ সময়ত ডাঙৰ ডাঙৰ বেনাৰত পঢ়িছিলো । "অসমৰ আনন্দ সৰ্বানন্দ" । এতিয়া দেখোন "অসমৰ সৰ্বনাশী কাণ্ড সৰ্বানন্দ" বুলিহে পঢ়িৱ লাগিৱ । অসমৰ মুখ্যমন্ত্ৰীৰ অধীনত বসবাস কৰা নাগৰিক হিচাপে কৱলৈ বাধ্য হ'লো ।
অসমৰ বুৰঞ্জীত দুমহীয়া চৰকাৰে অসমীয়াক হত্যা কৰা নজিৰ নাছিল । আপুনি জাতীয় নায়ক হৈ মুখ্যমন্ত্ৰী হোৱাৰ সৌভাগ্যত ইতিহাসৰ বুকু ফালি ৰজা কটা নগঞাৰ কলংকৃত বুৰঞ্জীত স্বাক্ষৰ থোৱাৰ বাবে ধন্যবাদ জ্ঞাপন কৰিলো ।
ভাই ও বেহেনো আতচ্ছে দিন আহগিয়া ।
facebook
twitter
google+
fb share